पुण्यात रंगलेल्या 65 व्या महाराष्ट्र केसरी कुस्ती स्पर्धेत पुण्याचा पैलवान शिवराज राक्षे याने विजय मिळवत महाराष्ट्र केसरी 2023 होण्याचा मान मिळाला आहे. अंतिम सामन्यात शिवराजने सोलापूरच्या महेंद्र गायकवाड याला काही मिनिटातंच थेट चितपट करत विजय मिळवला आहे. मॅट विभागातून शिवराज राक्षेने तर माती विभागातून महेंद्र गायकवाडने विजय मिळवत अंतिम फेरी गाठली होती. ज्यानंतर फायनलमध्ये शिवराजने एकहाती विजय मिळवत महाराष्ट्र केसरी 2023 होण्याचा मान मिळवला आहे.
दोघेही एकाच तालमीचे मल्ल
विशेष म्हणजे दोन्ही मल्ल हे पुण्याच्या तालमीतच तयार झाले आहेत. वस्ताद काका पवार आणि गोविंद पवार यांच्या कात्रज येथील आंतरराष्ट्रीय क्रीडा संकुल तालमीत दोघांनी एकत्र कुस्तीचे धडे गिरवले आहेत. त्यामुळे वस्ताद काका पवार यांच्या शिष्याने यंदा महाराष्ट्र केसरी होण्याचा मान मिळवला. महाराष्ट्र केसरी 2023 स्पर्धेच्या अंतिम सामन्यापूर्वी माती आणि गादी विभागातील फायनलच्या स्पर्धेत शिवराज आणि महेंद्र यांनी विजय मिळवत अंतिम फेरी गाठली होती. यावेळी आधी माती विभागातील अंतिम लढत झाली. ही अंतिम लढत अतिशय चुरशीची झाली. सोलापूरचा सिकंदर शेख (मूळ मोहोळ सोलापूर)आणि पुण्याचा महेंद्र गायकवाड (मूळ मंगळवेढा सोलापूर) यांनी एकमेंकाना तोडीस तोड खेळ दाखवला. अखेरपर्यंत दोघेही एकमेंकावर भारी पडत होते. पण अखेर 6-4 अशा फरकाने महेंद्रने सिंकदरला मात देत फायनलमध्ये धडक दिली. दुसरीकडे मॅट विभागातील अंतिम लढत पुण्याच्या राजगुरुनगरमधील शिवराज राक्षे (मूळ राजगुरूनगर पूणे) आणि नाशिकचा हर्षवर्धन सदगीर (मूळ अकोला नगर ) यांच्यात पार पडली. ही लढत फारच एकतर्फी झाल्याचं दिसून आलं शिवराजनं सुरुवातीपासून आपलं वर्चस्व सामन्यावर बनवलं आणि अखेर 8-1 अशा मोठ्या फरकाने सामना जिंकत फायनल गाठली.
पुण्यात दिमाखात पार पडली महाराष्ट्र केसरी स्पर्धा
पुण्यात मोठ्या उत्साहात महाराष्ट्र केसरी स्पर्धा पार पडली. स्पर्धेचे दिमाखदार आयोजन आणि प्रत्येक वजन गटात विजेत्यांना मिळणारी भरघोस बक्षिसे यामुळे ही स्पर्धा सुरुवातीपासूनच चर्चेत होती. संस्कृती प्रतिष्ठानचे संस्थापक अध्यक्ष मुरलीधर मोहोळ यांच्या मार्गदर्शनाखाली या स्पर्धेचे आयोजन करण्यात आले होते. यंदा 45 संघ आणि 900 हून अधिक पैलवान या स्पर्धेत उतरले होते. कुस्ती शौकिनांनी देखील पुण्यात मोठ्या प्रमाणात गर्दी केली होती.
उपमुख्यमंत्री फडणवीसांच्या कुस्तीसाठी मोठ्या घोषणा
महाराष्ट्र केसरी बक्षीस वितरण कार्यक्रमाला आल्यानंतर महाराष्ट्र राज्याचे विद्यमान व उपमुख्यमंत्री देवेंद्र फडणवीस यांनी कुस्ती क्षेत्रासाठी मोठ्या घोषणा करत आगामी आंतरराष्ट्रीय स्तरावर महाराष्ट्रातील मल्ल सहभागी होण्यासाठी विशेष मोहीम राबवली जाणार असल्याचे ही सांगितले. यावेळी त्यांनी खालील घोषणा करून कुस्तीशौकिनांची मने जिंकली…..
ऑलिम्पिक यशस्वी मल्लांना २० हजार रुपये
हिंद केसरी, महाराष्ट्र केसरी, रुस्तम-ए-हिंद
विजेत्या मल्लांचे मानधन १५ हजार
अर्जुन पुरस्कार विजेत्यांना २० हजार रुपये
वयोवृद्ध खेळाडूंना ७.५ हजार मानधन देणार
अशी घोषणा करून कुस्ती क्षेत्रासाठी नवसंजीवनी येणार असल्याचे आश्वासन दिले. महाराष्ट्र केसरीस्पर्धेची सुरुवात 1961 साली झाली होती. त्यानंतर आतापर्यंत अनेक मल्लांनी या महाराष्ट्र केसरीची गदा जिंकली आहे.
हे मल्ल नेमके कोण…आतापर्यंतचे महाराष्ट्र केसरी
1) )पै. दिनकर दहय़ारी (औरंगाबाद, 1961)
2) )पै. भगवान मोरे (धुळे, 1962),
3) )पै. गणपतराव खेडकर (अमरावती, 1964),
4) )पै. गणपतराव खेडकर (नाशिक, 1965),
5) )पै. दीनानाथ सिंग (मुंबई, 1966),
6) )पै. चंबा मुतनाळ (खामगाव, 1976),
7) )पै. चंबा मुतनाळ (नागपूर, 1968),
8) )पै. हरिश्चंद्र बिराजदार (लातूर, 1969),
9) )पै. दादू चौगुले (पुणे, 1070),
10) )पै. दादू चौगुले (अलिबाग, 1071),
11) )पै. लक्ष्मण वडार (कोल्हापूर, 1972),
12) )पै. लक्ष्मण वडार (अकोला, 1973),
13) )पै. युवराज पाटील (ठाणे, 1974),
14) )पै. रघुनाथ पवार (चंद्रपूर, 1975),
15) )पै. हिरामण बनकर (अकलूज, 1976),
16) )पै. आप्पासाहेब कदम (मुंबई, 1978),
17) )पै. शिवाजीराव पाचपुते (नाशिक, 1979),
18) )पै. इस्माईल शेख (खोपोली, 1980),
19) )पै. बापू लोखंडे (नागपूर, 1981),
20) )पै. संभाजी पाटील (बीड, 1982),
21) )पै. सरदार खुशहाल (पुणे, 1983),
22) )पै. नामदेव मोळे (सांगली, 1984),
23) पै. विष्णूजी जोशीलकर (पिंपरी चिंचवड, 1985)
24) )पै. गुलाब बर्डे (सोलापूर, 1986),
25) )पै. तानाजी बनकर (नागपूर, 1987),
26) )पै. रावसाहेब मगर (सोलापूर, 1988),
27) )पै. आप्पालाल शेख (सोलापूर, 1992),
28) )पै. उदयराज जाधव (पुणे, 1993),
29) )पै. संजय पाटील (अकोला, 1994-95),
30) )पै. शिवाजी केकाण (नाशिक, 1995-96),
31) )पै. अशोक शिर्के (वर्धा, 1996-97),
32) )पै. गोरखनाथ सरक (नागपूर,1997-98),
33) )पै. धनाजी फडतरे (पुणे, 1998-99),
34) )पै. विनोद चौगुले (खामगाव, 1999-2000),
35) )पै. राहुल काळभोर (नांदेड, 2001),
36) )पै. मुन्नालाल शेख (जालना, 2001-02),
37) )पै. दत्तात्रय गायकवाड (यवतमाळ, 2002-03),
38) )पै. चंद्रहास निमगिरे (वाशी, 2003-04),
39) )पै. सईद चाउस (इंदापूर, 2004-05),
40) )पै. अमोल बुचडे (बारामती, 2005-06),
41) )पै. चंद्रहार पाटील (औरंगाबाद, 2007),
42) )पै. चंद्रहार पाटील (सांगली, 2008),
43) )पै. विकी बनकर ( पिंपरी-चिंचवड, 2009),
44) )पै. समाधान घोडके (रोहा, 2010),
45) )पै. नरसिंग यादव (अकलूज – 2011),
46) )पै. नरसिंग यादव (गोंदिया – 2012),
47) )पै. नरसिंग यादव (भोसरी – 2013),
48) )पै. विजय चौधरी (अहमदनगर-2014),
49) )पै. विजय चौधरी (नागपूर-2015),
50) )पै. विजय चौधरी (वारजे-2016),
51) )पै. अभिजीत कटके (भूगाव-2017),
52) )पै. बाला रफीक शेख (जालना-2017),
53) )पै. हर्षद सदगीर (म्हाळुंगे-बालेवाडी-2019),
54) ) पै. पृथ्वीराज पाटील (सातारा-2021-22)
55)पै. शिवराज राक्षे (पुणे 2023)
