पाटणा : बिहार सरकारचे मंत्री तेज प्रताप यादव यांनी मुख्यमंत्री नितीश कुमार यांना देशाचे पुढील पंतप्रधान बनवण्याबाबत मोठं विधान केलं आहे. शनिवारी पत्रकारांशी बोलताना ते म्हणाले की, काका नितीश कुमार यांना लाल किल्ल्यावर ध्वजारोहणाच्या ठिकाणापर्यंत घेऊन जायचं आहे.
बिहारमध्ये महाआघाडीचे सरकार स्थापन झाल्यापासून पुढील लोकसभा निवडणुकीत नितीश कुमार यांना पंतप्रधानपदाचे उमेदवार बनवण्याच्या चर्चेला जोर आला आहे. मात्र, नितीश कुमार यांचा पक्ष जेडीयू या प्रस्तावावर अद्याप काहीही बोलण्यास तयार नाही. काही दिवसांपूर्वी जेडीयूचे अध्यक्ष लालनसिंह म्हणाले होते की, सीएम नितीश कुमार यांच्यात पंतप्रधान होण्यासाठी सर्व गुण आहेत पण सध्या ते या शर्यतीतून बाहेर आहेत. ते म्हणाले होते की, 2024 मध्ये तुम्ही मोदीजींचा पराभव करा, त्यानंतर एकत्र बसून कोणाला पंतप्रधान बनवायचे हे ठरवू.
यापूर्वी बिहारचे नवे उपमुख्यमंत्री आणि आरजेडी नेते तेजस्वी यादव म्हणाले होते की, नरेंद्र मोदी देशाचे पंतप्रधान झाले तर नितीश कुमारही पंतप्रधान होऊ शकतात. काही दिवसांपूर्वी जेडीयूचे राष्ट्रीय अध्यक्ष राजीव रंजन सिंह उर्फ लालन सिंह, पक्षाचे खासदार कौशलेंद्र कुमार, ग्रामीण विकास मंत्री श्रवण कुमार आणि स्थानिक आमदार यांच्या उपस्थितीत बिहारचे मुख्यमंत्री नितीश कुमार यांना पंतप्रधानपदाचे उमेदवार घोषित केले होते. जेडीयूचे राष्ट्रीय अध्यक्ष लालन सिंह पंतप्रधानपदाच्या उमेदवारासाठी वेगवेगळ्या राज्यातील पक्षांशी चर्चा करत आहेत.
