मुंबई- मराठी मनोरंजनसृष्टीत आपल्या उत्तम अभिनयाने आणि परखड विचारंनी प्रेक्षकांची मनं जिंकणारा अभिनेता अशी शरद पोंक्षे यांची ओळख आहे. हरहुन्नरी अभिनेता म्हणून प्रसिद्ध असलेले शरद हे सोशल मीडियावरही तितकेच सक्रीय असतात. आपली मतं ते निर्भीडपणे ट्विटर, फेसबुकवर मांडत असतात. नुकतंच शरद पोंक्षे यांनी मनसे अध्यक्ष राज ठाकरे यांच्या भाषणावर प्रतिक्रिया दिली आहे.

शरद पोंक्षे हे सोशल मीडियावर कायमच सक्रीय असतात. काल रविवारी महाराष्ट्र दिनादिवशी झालेल्या राज ठाकरे  यांच्या सभेतील भाषणावर वक्तव्य केलं. ‘वा राजसाहेब वा. आम्ही भारतीय आज सुखावलो. बऱ्याच काळाने एक जबरदस्त विचार, विशेषतः मतपेटीचा विचार न करता निर्भयपणे आमच्या मनातले विचार मांडलेत धन्यवाद.’, अशी पोस्ट शरद पोंक्षे यांनी केली. पोंक्षेंच्या या ट्वीटवर नेटकऱ्यांनीही आपल्या प्रतिक्रिया दिल्या आहेत.

अधिक वाचा  “घाबरलेला भोंगा आज महाराष्ट्राने पाहिला”; सभेनंतर शिवसेना नेत्याची प्रतिक्रिया

दरम्यान, काही दिवसांपूर्वी मनसे अध्यक्ष राज ठाकरे यांनी ठाण्यात घेतलेल्या सभेनंतरही शरद यांनी फेसबुकवर आपली प्रतिक्रिया दिली होती. ‘आजचं राजसाहेबांचं भाषण हे बाळासाहेबांची आठवण करून देणारं. बऱ्याच काळानं धारदार भाषण .हिंदूंची प्रखर बाजू मांडणारं भाषण.धन्यवाद राजसाहेब’, असं पोंक्षे यांनी त्यांच्या पोस्टमध्ये म्हटलं होतं.

नक्की काय म्हणाले राज ठाकरे-

शरद पवार शिवाजी महाराजांचे नाव कधीच घेत नाहीत. शरद पवार यांना हिंदू या शब्दाचीच एलर्जी आहे.

राष्ट्रवादी काँग्रेसच्या सभेत शिवाजी महाराजांचा फोटो नसतो. माझ्या सभांनंतर राष्ट्रवादीच्या व्यासपीठावर छत्रपतींची प्रतिमा दिसायला लागली.

सुप्रिया सुळे यांनीच लोकसभेत माझे वडील नास्तिक असल्याचे सांगितले होते. आता राष्ट्रवादीचे लोक काय बोलणार?

अधिक वाचा  संभाजीराजेंचा शिवबंधनास नकार! `प्लॅन बी` मध्ये ही ३ नावे!

राज्यात जातीय विष शरद पवारांमुळे पसरल्याचा पुनरुच्चार राज ठाकरेंनी केला.

औरंगाबादच्या सभेनंतर राज ठाकरे मराठवाडा, कोकण, विदर्भ, पश्चिम महाराष्ट्र, उत्तर महाराष्ट्रात घेणार

सुप्रीम कोर्टाच्या नियमांनुसार देशातील सर्व धार्मिक स्थळांवरील भोंगे उतरले पाहिजेत, मंदिरांवर असलेले भोंगे देखील उतरले पाहिजेत

४ मेपासून आम्ही अजान ऐकणार नाही, दुप्पट आवाजात हनुमान चालीसा लावणार

लाऊडस्पीकर हा धार्मिक नसून सामाजिक विषय आहे. तो विषय धार्मिक करणार असाल तर आम्ही धार्मिक पद्धतीनं उत्तर देऊ

भोंग्यानंतर राज ठाकरेंचा मोर्चा रस्त्यावरील अजान पठणाकडे, रस्त्यावरील अजान तातडीने बंद करण्याचा इशारा
गडबड करायला कुणी टाळकी असेल तर तिथल्या तिथे हाणा, ही मनसेची सभा चौरंग करुन घरी पाठवील, सभेत थोडीशी गडबड होताच राज यांचा ठाकरी स्टाईल इशारा