मुंबई : अमरावतीच्या खासदार नवनीत राणा आणि शिवसेनेच्या वादाचा पुढचा अंक सुरु झाला आहे. खासदार संजय राऊत यांच्या आरोपानंतर नवनीत राणा आणि युसूफ लकडावाला यांच्यातील व्यवहारांची चौकशी होणार आहे. मुंबई आर्थिक गुन्हे शाखा म्हणजेच EOW राणा आणि युसूफ लकडावाला यांच्यातील व्यवहारांची चौकशी करणार आहे. त्यामुळे नवनीत राणा यांच्या अडचणीत वाढ होण्याची शक्यता आहे.

संजय राऊत यांनी मंगळवारी रात्री ट्विट करुन नवनीत राणा यांचं युसूफ लकडावालाशी आर्थिक कनेक्शन होते, असा आरोप केला. अंडरवर्ल्ड डॉन दाऊद इब्राहिम याच्याशी कनेक्शन असलेल्या युसूफ लकडावाला याच्याकडून नवनीत राणा यांनी ८० लाखांचे कर्ज घेतले होते, असं राऊत यांनी म्हटलं होतं. सक्तवसुली संचलनालयाने (ED) या प्रकरणाची चौकशी का केली नाही, असा सवालही राऊतांनी उपस्थित केला होता.

अधिक वाचा  ज्ञानवापी मशिदीच्या विहिरीत सापडले शिवलींग! शिवलिंगाची जागा सील करण्याचे आदेश

आता राऊतांच्या आरोपानंतर मुंबई आर्थिक गुन्हे शाखा अॅक्शन मोडमध्ये आली आहे. नवनीत राणा आणि युसूफ लकडावाला यांच्यातील व्यवहारांची मुंबई आर्थिक गुन्हे शाखेकडून चौकशी केली जाणार आहे. याआधी युसूफ लकडावाला याच्याविरोधात EOW मध्ये नोंद झाला होता. त्यात त्याच्यावर कारवाई झाली होती. कस्टडीमध्ये त्याचा मृत्यू झाला होता. या केसचा तपास ज्या अधिकाऱ्यांनी केला होता, तेच अधिकारी राणांच्या आर्थिक व्यवहाराची चौकशी करतील.
युसूफ लकडावालाने नवनीत राणा यांना ८० लाखांचं कर्ज का दिलं होतं, त्याचं कारण काय? दोघांमध्ये आणखी काही व्यवहार झाले आहेत का? याचा तपास मुंबई आर्थिक गुन्हे शाखा म्हणजेच EOW आहे. त्यामुळे नवनीत राणा यांचा पाय खोलात गेल्याची चर्चा आहे. दुसरीकडे राणा दाम्पत्याकडून किंवा त्यांच्या सहकाऱ्यांकडून युसूफ लकडावाला याच्याकडून घेतलेल्या कर्जाबाबत अद्यापपर्यंत कोणतेही भाष्य करण्यात आलेले नाही.

अधिक वाचा  पुणे रेल्वे स्थानकावरील प्लॅटफॉर्म तिकिटाचे दर तिप्पट

अंडरवर्ल्ड डॉन दाऊद इब्राहिम याच्याशी कनेक्शन असलेल्या युसूफ लकडावाला याच्याकडून नवनीत राणा यांनी ८० लाखांचे कर्ज घेतले होते, असा राऊत राऊतांनी केला. युसुफ लकडावाला याचा कोठडीत मृत्यू झाला आहे. लकडावाला याला सक्तवसुली संचालनालयाने मनी लाँड्रिंग प्रकरणात अटक केली होती. त्याचा संदर्भ देत संजय राऊत यांनी नवनीत राणा यांच्याबाबत गौप्यस्फोट केला आहे. राणा यांनी अंडरवर्ल्डशी संबंधित व्यक्तीकडून कर्ज घेतले असल्याने हा राष्ट्रीय सुरक्षेचा प्रश्न ठरतो. त्यामुळेच या प्रकरणात चौकशी झाली आहे का, याचे उत्तर ईडीने द्यायला हवे, असे राऊत यांनी म्हटलं.