बॉलिवूड अभिनेता शाहिद कपूर पुन्हा एकदा त्याच्या जर्सी या चित्रपटातून प्रेक्षकांचे मनोरंजन करण्यासाठी आला आहे. या चित्रपटाच्या ट्रेलरपासूनच प्रेक्षक बऱ्याच दिवसांपासून या चित्रपटाची वाट पाहत होते. अशा परिस्थितीत हा चित्रपट लोकांच्या अपेक्षा कितपत खऱ्या ठरतो, हे नंतर कळेलच. मात्र रिलीज होताच हा चित्रपट वादात सापडला आहे.

रिलीजपूर्वी हा चित्रपट जिथे कायदेशीर वादात अडकला होता, तिथे आता शाहिदच्या चित्रपटाला सोशल मीडियावर लोकांच्या विरोधाला सामोरे जावे लागत आहे. वास्तविक, चित्रपट प्रदर्शित झाल्यापासून सोशल मीडिया प्लॅटफॉर्म ट्विटरवर शाहिद कपूर आणि मृणाल ठाकूर यांच्या स्टारर चित्रपटावर बहिष्कार टाकण्याची मागणी केली जात आहे.

अधिक वाचा  "काँग्रेसची अवस्था आभाळ फाटल्यासारखी, ठिगळं तरी कुठे लावणार?", शिवसेनेलाही लागली चिंता

या चित्रपटावर बहिष्कार घालण्याची मागणी ट्विटरवर एवढी जोर धरू लागली आहे की, ट्विटरवर बॉयकॉट जर्सी हा हॅशटॅग ट्रेंड होत आहे. या चित्रपटाला विरोध करण्यामागचे कारण म्हणजे शाहिद कपूरने सुशांत सिंग राजपूतची खिल्ली उडवणे. लोक म्हणतात की शाहिद कपूरनेच दिवंगत अभिनेता सुशांत सिंग राजपूतचा आयफा अवॉर्ड्समध्ये अपमान केला होता.

एकाने लिहिले की, शाहरुख आणि शाहिदने ज्या प्रकारे सुशांतची खिल्ली उडवली ते आम्ही कधीही विसरू शकत नाही. चला सर्वांनी मिळून हा चित्रपट सुपर फ्लॉप बनवूया. याशिवाय सुशांतचे चाहतेही अभिनेता सुशांत सिंग राजपूतला न्याय द्यावा, चित्रपटावर बहिष्कार टाकण्याची मागणी करत आहेत.

अधिक वाचा  पुणे महापालिकेचे SC आणि ST चे आरक्षण जाहीर; आता महिला आरक्षण सोडतीकडे लक्ष

अशा अभिनेत्याच्या चित्रपटावर बहिष्कार टाकला पाहिजे. त्याचवेळी काही लोक संपूर्ण हिंदी सिनेमावर म्हणजेच बॉलिवूडवर बहिष्कार घालण्याची मागणी करत आहेत. एका युजरने ट्विट करत लिहिले की, “एकेकाळी त्याने सुशांतचा अपमान केला होता. आता त्याच अपमानाला सामोरे जाण्याची त्याची पाळी आहे. बॉलीवूडवर पूर्ण बहिष्कार टाकूया.

जर्सी हा एक स्पोर्ट्स ड्रामा चित्रपट आहे, ज्यामध्ये शाहिद कपूर अर्जुन तलवार नावाच्या क्रिकेटरची भूमिका साकारत आहे. या चित्रपटात शाहिदसोबत अभिनेत्री मृणाल ठाकूरही दिसणार आहे. शाहिदची क्रिकेटसाठीची आवड आणि संघर्ष चित्रपटात दाखवण्यात आला आहे. शाहिद कपूरसाठी हा चित्रपट खूप खास आहे कारण या चित्रपटात त्याचे वडील पंकज कपूर देखील महत्त्वाच्या भूमिकेत आहेत.

अधिक वाचा  पंधरा दिवसापूर्वी शिवसेनेत गेलेले मनसेचे नेते पुन्हा स्वगृही परतणार...

यापूर्वी हा चित्रपट कायदेशीर वादातही अडकला होता. वास्तविक रजनीश जयस्वाल यांनी ‘जर्सी’ने त्यांच्या स्क्रिप्टची चोरी केल्याचा आरोप केला होता, त्यानंतर कायदेशीर अडचणीमुळे चित्रपटाचे प्रदर्शनही पुढे ढकलण्यात आले होते. याआधी हा चित्रपट १४ एप्रिलला प्रदर्शित होणार होता, पण नंतर तो पुढे ढकलण्यात आला. मात्र, मुंबई उच्च न्यायालयाने जर्सीच्या निर्मात्यांच्या बाजूने निकाल दिल्यानंतर आता हा चित्रपट २२ एप्रिल रोजी प्रदर्शित करण्यात आला आहे.