नगर : पुणेरी पाट्यांबद्दल तुम्ही ऐकून असाल पण अहमदनगरच्या एका पेट्रोल पंपावरील पाटी सध्या चर्चेत आहे. मागील काही दिवसांपासून सामान्य जनतेच्या अडीअडचणीमध्ये पेट्रोल आणि डिझेलच्या दरांनी आणखी भर टाकली आहे. देशातील बहुतेक शहरात पेट्रोलचे दर 120 पर्यंत पोहोचले आहे. तर डिझेलचे देखील दर शंभरच्यावर गेले आहे.

यामुळे अनेक नागरिकांचे बजेट कोलमडले आहे. त्यामुळे सोशल मीडियावर पेट्रोल आणि डिझेलच्या किंमती नियंत्रणात करण्याची मागणी होत असून. वेगवेगळे फोटो आणि व्हिडिओ सोशल मीडिया चा वापर करत विरोध दर्शवत आहे. यातच अहमदनगर शहरात असणाऱ्या नेवासकर पेट्रोल पंपावर लावण्यात आलेल्या एका पाटीची चर्चा देखील सोशल मीडियावर जोर धरत आहे. पेट्रोलचे दर स्वत:च्या जबाबदारीवर पाहावेत, छातीत कळ आल्यास पंप मालक जबाबदार नाही असं या पाटीवर लिहिण्यात आलंय. आता पर्यंत सोशल मीडियावर या पाटीला हजारो लाईक्स आले आहे.अशा पाट्या पुणे मुबंई शहरात पहाण्यास मिळत होत्या, आता नगर मध्ये पहाण्यास मिळत आहे.

अधिक वाचा  एकनाथ शिंदे पुन्हा एकदा झाले ‘आनंद दिघें’चे सारथी; बुलेटवरून घेतली एन्ट्री, फोटो तुफान व्हायरल

या पाटीवर नेवासकर पेट्रोल पंप असा उल्लेख करण्यात आलाय मात्र ही नेवासकर पेट्रोल पंप व्यवस्थापनानेच लावली की नाही, या बाबत अद्याप माहिती नाही. दरम्यान या व्हायरल पाटीवर, सोशल मीडियावर मात्र जोरदार प्रतिसाद मिळतोय. अनेकांनी ही पोस्ट शेअर करत यावर येत मजेशीर प्रतिक्रियाही दिल्यात.