पुणे: पिंपरी चिंचवडमध्ये आगामी महानगरपालिका निवडणुकीसाठी प्रभाग पारुप रचनेचा कच्चा नकाशा तयार केला जात आहे. महापालिका आयुक्तांच्या अध्यक्षतेखाली ही समिती नेमण्यात आली आहे. यामध्ये प्रारूप व अंतिम नकाशाची निर्मिती करता असताना त्यावर महापालिका आयुक्तांसह नगररचनाकार व निवडणूक आयोगाच्या उपाध्यक्ष्याची स्वाक्षरी असणे बंधनकारक करण्यात आलं आहे . महाराष्ट्र महापालिका अधिनियम १९४९ मध्ये झालेल्या सुधारणा व न्यायालयाच्या आदेशानुसार महापालिका निवडणुकांसाठी प्रभाग रचना करण्याबाबत राज्य निवडणूक आयोगाचे अध्यक्ष यू पी एस मदान यांनी सुधारित आदेश काढले आहेत.

यांचा समावेश हवा

महानगरपालिकेच्या आगामी सार्वत्रिक निवडणुकीसाठी महापालिका आयुक्त राजेश पाटील यांच्या अध्यक्षतेखाली समिती नेमण्यात आली आहे. या समितीवर स्थानिक स्वराज्य संस्थेची संपूर्ण माहिती असलेला अधिकार, प्रभाग रचनेची संबधित नेमलेला अधिकारी, नगररचनाकार , संगणक तज्ञ , इतर अधिकाऱ्यांची आवश्यकतेनुसार नेमणूक केली जाणार आहे.

अधिक वाचा  जेव्हा रेल्वे राज्यमंत्री दोन तास रेल्वेची वाट पाहतात

नकाशामध्ये वर्णन देण्याची आवश्यकता

प्रभाग रचना परिशिष्ठामध्ये सदस्य संख्या व आरक्षणाची परिगणना , हद्दीची व्याप्ती , वर्णन व निवडणूक समाविष्ट प्रगणक गट व लोकसंख्या , अनुसूचित जाते जमातीचा उतरता क्रम , सदस्य संख्या , प्रगणक गटाचे विभाजन करतानाचे प्रमाणपत्र आदी बाबींचा समावेश करणे बंधनकारक करण्यात आले आहे. लवकरच नवीन प्रभाग रचना जाहीर केले जाणार आहे.