पुणे: राष्ट्रवादीचे खासदार अमोल कोल्हे यांनी पुणे एअरपोर्ट ऑथेरिटीला छत्रपती शिवाजी महाराजांच्या कर्तृत्वाची आठवण करून दिली आहे. पुण्यात केवळ शनिवारवाडा नाही तर छत्रपती शिवाजी महाराजांनी केलेल्या सर्जिकल स्ट्राईकचा लालमहालसुद्धा आहे, सिंहगडही आहे, असं कोल्हे यांनी म्हटलं होतं. त्याला ब्राम्हण महासंघाचे अध्यक्ष आनंद दवे यांनी प्रत्युत्तर दिलं आहे. कोल्हेंना नेमकं दु:ख कशाचं आहे? शिवाजी महाराजांची प्रतिमा नसण्याचं की पेशव्यांची असण्याचं? असा सवाल आनंद दवे यांनी केली आहे.

अमोल कोल्हे यांना दुःख कशाचं आहे? शिवाजी महाराजांच्या प्रतिमा नसण्याचं की पेशव्यांची असण्याचं? पुणे विमानतळावर पेशव्यांचा उल्लेख असण्याने कोल्हेकुई सुरु झाली आहे. केवळ विमानतळवरच नाही तर संपूर्ण पुणे शहरांत छत्रपतींच्या प्रतिमा, पुतळे असावेत ही आमची आधी पासूनचीच भूमिका आहे, असं आनंद दवे यांनी मीडियाशी बोलताना सांगितलं.

अधिक वाचा  काँग्रेसची मोठी घोषणा; उन्नाव बलात्कार पीडितेच्या आईला निवडणुकीचे तिकीट

पुणे विमानतळावर पेशवाईची चित्रं, मग शिवरायांचं कर्तृत्व का नाही? – अमोल कोल्हे
https://www.newsmaker.live/archives/53738

कोल्हेंच्या पोटात का दुखतं?

फुले, शाहू, आंबेडकर यांच्या नावाने राजकारण करणारे, सर्वत्र त्यांचाच उल्लेख करणाऱ्या नेत्यांनाच महाराजांचा विसर पडलाय हे पावलोपावली जाणवते आम्हाला. एवढी वर्ष केंद्रात सत्तेवर असून अगदी नागरी उड्डाण मंत्रिपद असून सुद्धा प्रफुल्ल पटेल यांनी या विमानतळासाठी हवे तसे प्रयत्न का केले नाहीत? आता सुद्धा त्यासाठी कोल्हे यांनी प्रयत्न करावे. आमच्या शुभेच्छा आहेत. पण शहरातील पेशव्यांचे हे एकमात्र शिल्प असताना ते कोल्हे यांच्या पोटात का दुखतं हे आम्हाला कळत नाही?, असा टोलाही त्यांनी लगावला.

अधिक वाचा  महापालिकेच्या शाळा इमारत खासगी संस्थांना देण्याचा डाव फसला; राजकीय मंडळींना चपराक

नेमकं प्रकरण काय?

पुणे विमानतळावर काही पेंटिंग्ज काढण्यात आल्या आहेत. त्यात पेशव्यांच्या पेटिंग्ज आहेत. पण छत्रपती शिवाजी महाराजांवरील एकही पेंटिग्ज नाही. त्यामुळे अमोल कोल्हे अत्यंत संतप्त झाले आहेत. त्यांनी ट्विटरवरून याबाबत पुणे विमानतळ प्राधिकरणाला जाब विचारला आहे. पेशव्यांच्या पराक्रमाविषयी आदर आहेच, परंतु पुण्यात केवळ शनिवारवाडा नाही तर छत्रपती शिवाजी महाराजांनी केलेल्या सर्जिकल स्ट्राईकचा लालमहालसुद्धा आहे, सिंहगडही आहे आणि याच जिल्ह्यात छत्रपती शिवाजी महाराजांचे जन्मस्थळ किल्ले शिवनेरी तसेच छत्रपती संभाजी महाराजांचे बलिदानस्थळ वढू तुळापूर देखील आहे याचा पुणे एअरपोर्ट अथॉरिटीला विसर पडला की काय?, असा सवाल कोल्हे यांनी केला आहे. विमानतळावरील पेंटिंग्जसोबतचा सेल्फी आणि एक फोटोही कोल्हेंनी ट्विटरवर शेअर केला आहे.

अधिक वाचा  UP Election: ‘सवर्ण विरुद्ध मागास’ असेल तर भाजपला धोक्याची घंटा?

ज्या पुणे जिल्ह्यातील शिवनेरी किल्ल्यावर शिवाजी महाराजांचा‌ जन्म झाला तो किल्ला, पुण्यात‌ त्यांनी शाहिस्तेखानाची बोटं छाटली तो लाल महाल, तानाजी मालुसरे यांच्या पराक्रमाची साक्ष असणारा सिंहगड आणि छत्रपती संभाजी महाराजांचे बलिदानस्थळ वढू तुळापूर देखील आहे, असं सांगतानाच शिवाजी महाराजांचं कर्तृत्व पुणे विमानतळावर का दिसत नाही. शिवाजी महाराज, संभाजी‌ महाराज यांचा इतिहास सांगणारं विमानतळावर काहीच नाही, याकडेही त्यांनी लक्ष वेधलं आहे.