परमिटरूममध्ये जाउन क्राईम चेक टाईम वेबपोर्टलचे पत्रकार असल्याचे सांगून एक हजार रूपये घेउन पुन्हा पाच हजारांची खंडणी मागणाऱ्या महिलेसह दोघा कथित पत्रकारांना खडक पोलिसांनी काल दुपारी अटक केली. सतपाल सिंग अमरसिंग बग्गा (वय ५७, रा. वाघोली) आणि त्याच्या साथीदार महिलेला अटक करण्यात आली.

शंकरशेठ रस्त्यावरील सेव्हन लव्हृज चौकात एकाचे परमिट रूम आहे. काल दुपारी क्राईम चेक टाईमचे ओळखपत्र गळ्यात घालून बग्गासह महिला त्यांच्या परमिटरूममध्ये गेले. तुम्ही अवैधरित्या दारूची विक्री करीत आहात, लोेकांना परमिटरूममध्ये बसवून दारू विक्री करीत आहात. प्रकरण मिटवायचे असल्यास एक हजार रूपये द्या, अशी मागणी करून त्यांनी रक्कम स्वीकारली.

अधिक वाचा  एकावर एक फ्री थाळी चांगलच महागात; तब्बल ८९ हजारांचा ग्राहकाला गंडा

त्यानंतर आरोपींनी परमिट रूम मालकाला फोन करून पुन्हा पाच हजारांची खंडणी मागितली. त्यानंतर त्यांनी खडक पोलीस ठाण्यात तक्रार केली. त्यानुसार पोलिसांनी सापळा रचून त्यांना अटक केली. याप्रकरणी संबंधित आरोपींकडील ओळखपत्रे आणि त्यांच्या वेबपोर्टल संदर्भात माहिती घेण्यात येत आहे, असे सहायक पोलीस निरीक्षक चंद्रकांत गोसावी यांनी सांगितले.