छत्तीसगडमधील माओवादग्रस्त विजापूर जिल्ह्यात तैनात असलेल्या छत्तीसगड सशस्त्र दलातील (सीएएफ) एका जवानाला आईच्या अंत्यसंस्कारासाठी उत्तर प्रदेशातील सिखड या गावी पोहोचण्यासाठी १,१,०० किलोमीटर अंतर कापण्यासाठी तीन दिवस लागले.
छत्तीसगड सशस्त्र दलातील (सीएएफ) संतोष यादव या ३० वर्षीय जवानाला छत्तीसगडच्या माओवादी भागातील जंगलात माओवाद्यांचा सामना करण्यापेक्षाही करोनाच्या विषाणूमुळे उद्भवलेल्या अडचणींवर मात करणे जास्त आव्हानात्मक ठरले. आईच्या निधनाची बातमी समजल्यानंतर ट्रक, मालगाडी आणि बोटीच्या मदतीने ११०० किलोमीटरचा प्रवास करून यादव यांना तीन दिवसांनी आपल्या गावी पोहोचता आले.
‘आईच्या निधनाची बातमी समजल्यानंतर अशा अवस्थेत मी वडिलांना एकटे सोडू शकत नव्हतो. माझा लहान भाऊ आणि विवाहित बहीण हे दोघेही मुंबईत राहतात. ते दोघेही लॉकडाउनमुळे गावी पोहोचू शकणार नव्हते. त्यामुळे लवकरात लवकर मला गावाकडे जाणे गरजेचे होते; परंतु लॉकडाउनमुळे मी तीन दिवसांनी पोहोचलो,’ असे यादव यांनी सांगितले.

अधिक वाचा  नणंद विरुद्ध भावजय; पवारांची पहिली प्रतिक्रिया पवार कुटुंबात पहिल्यांदाच हे घडतंय…