नवी दिल्लीः जर एक डॉक्टरच हलगर्जीपणा करू शकतो तर सामान्यांचं काय? स्पेनवरून आल्यावर अंगात बारीक ताप असूनही डॉक्टरने स्वतःची आणि हॉस्पिटलनेही तपासणी करणं गरजेचं समजलं नाही. यादरम्यान डॉक्टरने ओपीडीत जाऊन रुग्णांची तपासणीही केली. आपल्या मित्रांनाही ते भेटले आणि काम करत राहिले. करोनाची लागण झाल्याची लक्षणं दिसल्यानंतर त्यांनी करोनाची तपासणी केली. यात ते पॉझिटिव्ह आढळून आले. एका डॉक्टरच्या चुकीमुळे आता संपूर्ण हॉस्पिटल करोनाच्या संशयात आलं आहे.
हॉस्पिटलकडूनही दुर्लक्ष
हॉस्पिटलकडून तपासणीचे दिशानिर्देश दिले गेले आहेत. पण ते योग्य नाहीत, असं कोचीत काम करणारे डॉक्टर दीपक दामोधरन म्हणाले. सर्दी, तापाची तपासणी सुरुवातीच्या काळात केली गेली नाही तर रुग्णाला करोना झालाय की नाही हे कसं कळणार? रुग्णाची तपासणी सुरुवातीलाच झाली असती तर आता परिस्थिती वेगळी असती. ते पॉझिटिव्ह आढळल्याने त्यांचे मित्र, स्टाफ यांनाही करोनाची लागण होण्याची शक्यता आहे. ओपीडीत ज्या रुग्णांना तपासलं त्यांनाही करोना होण्याची शक्यता आहे. त्यांना कसं शोधून काढणार? हा मोठा प्रश्न आहे, असं डॉक्टर दामोधरन म्हणाले.
प्रकृती अधिक बिघडल्यावर डॉक्टरने गुपीत उघड केलं
माहिती नसल्यामुळे हा सर्व प्रकार घडला आहे. डॉक्टर आणि सामान्यांनी सुरुतीची लक्षणं समजून घेतली आणि स्वतःला विलग केलं तर समस्या निर्माण होणार नाही. पण आपल्या देशात काही लोकं आजार लपवणं आपलं हित समजतात. स्पेनवरून परतलेल्या डॉक्टरमध्ये २ ते ५ मार्च दरम्यान सुरुवातीला काही लक्षणं आढळून आली. ८ मार्चला घशात दुखू लागलं. ९ मार्च त्याने आपल्या विदेश दौऱ्याची माहिती राज्य सरकारला दिली. यानंतर त्या डॉक्टरना तात्काळ घरातच विलगीकरण करण्यात आलं. यानंतर करोनाच्या चाचणीत ते डॉक्टर पॉझिटिव्ह आढळून आले.
मृतदेहांबाबत मार्गदर्शक सूचना

अधिक वाचा  गुजरात कॉलनीत ‘लहान करू होळी, दान करू पोळी’चा संदेश देत होळीचा सण उत्साहात साजरा

डॉक्टरने आपला विदेश दौरा आणि आजार लपवल्यामुळे संपूर्ण हॉस्पिटल आता करोनाच्या संशयात आलं आहे. नागरिकांनी आजार लपवू नये. सरकारकडून सुरू असलेल्या प्रयत्नांना सहकार्य करावं. करोनासारखी लक्षणं दिसू लागल्यास तात्काळ तपासणी करून घ्या. ज्यांना करोना झालाय त्यांनी विलगीकरण करून घ्यावं. ज्यांना नाहीए त्यांनी आपलं काम सुरू ठेवावं, असं आवाहन डॉक्टरांनी केलंय.