नवी दिल्ली : पित्यानेच आपल्या मुलीवर बलात्कार (Rape) केल्याची धक्कादायक घटना घडली आहे. त्याने आपल्या 13 वर्षांच्या मुलीवर लैंगिक अत्याचार केले आहेत.
46 वर्षीय या पित्यावर 13 वर्षांच्या मुलीबरोबरच अन्य 2 मुलांचे लैंगिक शोषण केल्याचा आरोप आहे. Western Cape High Court ने मंगळवारी या प्रकरणात आरोपीला मोठी शिक्षा सुनावली.
हा आरोपी 2011 पासून एचआयव्हीग्रस्त आहे. याबाबत त्याला माहित होते. तो आपल्या मुलीवर सलग 7 वर्ष बलात्कार करीत होता. यावर कोर्टाने त्याला जन्मठेपेची शिक्षा सुनावली आहे. या प्रकरणात सुनावणी देताना न्यायाधीश म्हणाले, या आरोपीला जन्मठेपेपेक्षा कमी शिक्षा होऊच शकत नाही. कारण आरोपीने पीडितेवर अनेकदा अत्याचार केले आहेत.
याबाबत न्यायालयात पीडितेने खुलासा केला आहे. ती म्हणाली, वडिलांनी अनेकदा माझा लैंगिक छळ केला. इतकचं नाही तर आरोपी पीडितेला मारण्याची धमकी देत होता. तुला मारेन, तुला विकून देईन, अशी धमकी दिली जात होती. या प्रकरणात न्यायालयाने मुलीसोबत गैरव्यवहार केल्याप्रकरणी 10 वर्षांची शिक्षा सुनावली आहे. तर अन्य दोघांवर बलात्कार केल्याप्रकरणी अनुक्रमे 8 व 4 वर्षांची शिक्षा सुनावली आहे.
दक्षिण आफ्रिकेत या वर्षी अशी तीन प्रकरणं समोर आली आहेत. ज्यामध्ये वडिलांनी मुलीवर बलात्कार केल्याप्रकरणात पित्याला जन्मठेपेची शिक्षा झाली. गेल्या महिन्यात डरबन येथे राहणाऱ्या व्यक्तीला आपल्या मुलीवर दृष्कृत्य करीत असताना पकडले. त्यालाही जन्मठेपेची शिक्षा झाली आहे. 22 वर्षांची ही मुलगी मानसिक ताणातून जात आहे. त्यापूर्वी Pretoria Regional Court मध्ये एका पित्याला आपल्या दोन्ही मुलींवर बलात्कार केल्याप्रकरणी दुहेरी जन्मठेपेची शिक्षा सुनावण्यात आली आहे.

अधिक वाचा  राज्यात पुन्हा महायुतीचंच सरकार, पक्षांतर्गत धुसफूस आणि मराठा आरक्षणावरही देवेंद्र फडणवीस कडाडले