मुंबई : राज्यातील जिल्हा परिषदेच्या शिक्षकांच्या बदल्या आता पूर्वीप्रमाणे ऑनलाईनच होणार आहेत. पाच सनदी अधिकाऱ्यांच्या अभ्यास गटानं तशी शिफारस केलीय. या शिफारशीची प्राथमिक चर्चा राज्याचे ग्रामविकास मंत्री हसन मुश्रीफ यांच्यासोबत झाली. आणखी एका वरिष्ठ मंत्र्यांच्या पडताळणीनंतर जुनाच निर्णय कायम ठेवण्यात येणार आहे. जिल्हा परिषदेच्या शिक्षकांच्या बदल्या ऑफलाइन करण्यासाठी सरकारमधील काही मंत्री आग्रही होते. त्यानंतर शासनाने पुणे जिल्हा परिषदेचे सीईओ आयुष प्रसाद यांच्या अध्यक्षतेखाली अभ्यासगट नियुक्त केला होता. 25 फेब्रुवारीला राज्यातील शेवटची विभागनिहाय बैठक नागपूर आयुक्तालयात पार पडली. या बैठकीत उपस्थित पदाधिकारी व शिक्षक संघटनांची 99 टक्के मते ही बदल्या ऑनलाइनच प्रक्रियेने व्हाव्या, या बाजूची पाहायला मिळाली.
जिल्हा परिषद शिक्षकांच्या ऑनलाइन बदल्यांवरुन राज्यभर वादळ उठले आहे. या बदल्या ऑफलाइन करण्यासाठी सरकारमधील काही मंत्री आग्रही असल्याची माहिती हाती येतेय. थेट सरपंच पदाच्या निवडीप्रमाणे जनभावना लक्षात न घेता हाही निर्णय बदला जाण्याची शक्यता आहे. ऑनलाइनच्या अभ्यासासाठी शासनाने पुणे जिल्हा परिषदेचे सीईओ आयुष प्रसाद यांच्या अध्यक्षतेखाली अभ्यासगट नियुक्त केला होता. मंगळवारी 25 फेब्रुवारीला राज्यातील शेवटची विभागनिहाय बैठक नागपूर आयुक्तालयात पार पडली. या बैठकीत उपस्थित पदाधिकारी व शिक्षक संघटनांची 99 टक्के मते ही बदल्या ऑनलाइनच प्रक्रियेने व्हाव्या, या बाजूने व्यक्त झाली.
यावेळी अभ्यास गटासमोर आलेले चर्चेचे मुद्दे –
ऑनलाइन बदल्यांचे अधिकार जिल्हा स्तरावर असावेत का?
पती पत्नी एकत्रिकरणाचे अंतर हे तीस किमीवरून पन्नास कमी करावे का?
अवघड क्षेत्र पुनर्निर्मित करण्यात यावेत
बोगस प्रमाणपत्र सादर करून शिक्षकांच्या होणाऱ्या बदलीसाठी कारवाईचा पॅटर्न असावा.
राज्यातल्या शिक्षक संघटनांची 99 टक्के मत ऑनलाईन बदल्या कायम ठेवण्याच्या बाजूने आहेत.
महाराष्ट्र राज्य प्राथमिक शिक्षक संघाचा बदल्या जिल्हा पातळीवरती सुपूर्त करण्याला विरोध केला आहे. संघटनांची बदल्या ऑनलाइनच व्हायला हव्यात अशी मागणी आहे. भाजप सरकारच्या काळातल्या निर्णयामुळे लाचखोरीत थांबली होती. बदल्यासंदर्भात काही त्रुटी असतील तर त्यात दुरुस्ती होऊ शकते. पण शिक्षकांच्या सर्व बदल्या ऑनलाईन हव्यात अशी मागणीचे निवेदन संघटनेचे अध्यक्ष बाळकृष्ण तांबारे यांचे सरकारला दिले आहे.
राज्य शासनाने शिक्षकांच्या ऑनलाइन बदलीचे नवे धोरण ठरविण्यासाठी पाच जणांची समिती स्थापन केली आहे. ग्रामविकास विभागाने या संदर्भाचा अभ्यास गट नेमलाय. त्यात पुणे रायगड चंद्रपूर नंदूरबार आणि उस्मानाबादचे सीईओ सदस्य आहेत. हा अभ्यासगट तीन मार्चला सरकारला आपला अहवाल सादर करणार होता.
रोहित पवारांचे यांचे आफलाईन बदल्यांना समर्थन?
आमदार रोहीत पवार यांचे यांचे आफलाईन बदल्यांना समर्थन? तशा आशयाची एक फेसबुक पोस्ट पवार यांनी केली आहे. खात्याचे नामदार राष्ट्रवादीचे असल्याने या पोस्टटी चर्चा सुरू झाली आहे.
रोहीत पवार यांची पोस्ट
जिल्हा परिषदेच्या शाळांमध्ये शिक्षक म्हणून कार्यरत असलेले अनेक पती-पत्नी हे गेल्या 10-15 वर्षांपासून शेकडो कि.मी. दूर अंतरावर वेगवेगळ्या जिल्ह्यांमध्ये काम करता असल्यामुळे त्यांना वेगवेगळ्या कौटुंबीक अडचणींना सामना करावा लागतो. व त्यांच्या मुलांच्या शिक्षणाची परवड होते, तर दुसरीकडे त्यांच्या कौटुंबीक स्वास्थ्यावरही विपरित परिणाम होत असल्याने काही जणांचे घटस्फोटही देखील होत आहेत असे आ. रोहीत पवार यांनी ग्राम विकास मंत्री हसन मुश्रीफ यांना दिलेल्या निवेदनात म्हटले आहे.
