पुणे: ऑनलाइन गेम पबजी खेळताना एका तरुणाशी झालेली मैत्री पुण्यातील ३५ वर्षीय महिलेला महागात पडली आहे. या तरुणानं या महिलेचं आक्षेपार्ह फोटो काढून ब्लॅकमेल करण्यास सुरुवात केली. त्यावर पैसे दिले नाहीत म्हणून या तरुणानं महिलेचे फोटो तिच्या पतीला आणि कुटुंबीयांना पाठवले. या प्रकरणी सांगवी पोलीस ठाण्यात या तरुणाविरोधात गुन्हा दाखल करण्यात आला आहे.
झारखंडमध्ये राहणारा राजा मेहरा याची आणि पीडितेची पबजी गेम खेळताना मैत्री झाली होती. त्याचदरम्यान तो पुण्यात नोकरीसाठी आला होता. पीडितेनं त्याला पुण्यातील आपल्या घरात राहण्यास सांगितलं. पीडित महिलेच्या तक्रारीनुसार, झारखंडमधील राजा याच्याशी पबजी गेम खेळताना ओळख झाली. त्यानंतर दोघांमध्ये मैत्री झाली. राजानं तिचा मोबाइल क्रमांक मागितला. त्यानंतर त्यांच्यात फोनवर बोलणं सुरू झालं. त्याचवेळी आपल्याला पुण्यात नोकरी मिळाली आहे, असं त्यानं सांगितलं. ऑक्टोबर २०१९ मध्ये तो पुण्यात आला आणि आपल्याकडे पैसे नाहीत, त्यामुळं काही दिवस तुमच्या घरी राहू शकतो का असं महिलेला विचारलं.

अधिक वाचा  भाजपने महापालिकेवर 'कमळ' फुलवण्याचा केला संकल्प;फडणवीसांच्या निवासस्थानी बैठक