नागिनीचा बदला..! घरात झोपलेल्या पाच जणांना सर्पदंश, ३ जणांचा मृत्यू;

काही दिवसांपूर्वी सर्पदंशाने भाऊ-बहीण आणि त्यांच्या आईचा मृत्यू झाला होता. यानंतर या सापाने गावातील एका तरुणाला चावा घेतला. काही तास उलटताच सापाने तरुणाच्या पत्नीला सोडले नाही आणि तिचाही चावा घेतला. सापापासून वाचण्यासाठी लोकांना आता घरातही सुरक्षित वाटत नाही. साप पकडण्यासाठी वनविभाग सर्पमित्र व गारुड्यांचीही मदत घेतली जात आहे.

बहादूरगड परिसरातील सदरपूर गावात ही घटना घडली. मजूर रिंकू जाटव यांची पत्नी पूनम, मुलगा कनिष्क आणि मुलगी साक्षी यांना रविवारी रात्री उशिरा घरात जमिनीवर झोपलेल्या अवस्थेत सापाने चावा घेतला. यात तिघांचाही मृत्यू झाला. दुसऱ्याच रात्री साप पाच ते सात घरे सोडून राहणाऱ्या प्रवेश या तरुणाला चावला. मेरठच्या रुग्णालयात अनेक तासांच्या उपचारानंतर कुटुंबीयांनी त्याचा जीव वाचवून त्याला घरी आणले. मात्र काही तासांतच मंगळवारी रात्री खाटेवर झोपलेल्या त्याची पत्नी ममता हिचा सापाने चावा घेतला. त्यामुळे गाढ झोपेत झोपलेल्या चार मुलांची आई ममताच्या किंचाळण्याने घरच्यांचे डोळे उघडले, त्यांनी घाईगडबडीत स्थानिक डॉक्टरांना दाखवून तिला थेट मेरठच्या रुग्णालयात नेले. अनेक तासांच्या उपचारानंतर ममताच्या प्रकृतीत सुधारणा झाल्याने डॉक्टरांनी त्यांना घरी पाठवले. पण थोड्याच वेळात अचानक तिची तब्येत बिघडल्याने कुटुंबीयांनी घाईगडबडीत ममताला मेरठ रुग्णालयात दाखल केले, जिथे तिच्यावर गंभीर अवस्थेत उपचार सुरू आहेत.

आता सर्पमित्रांचा आधार घेणाऱ्या वनविभागाने

वनविभागाने मंगळवारी काही तासांच्या प्रयत्नाने एका सापाला पकडून स्वत:ची पाठ थोपटून घेतली. मात्र काही तासांतच रात्री उशिरा प्रवेशची पत्नी ममता यांना साप चावल्याने वनविभागाचे नाटक उघडकीस आले. यानंतर ग्रामस्थांमधून संताप व्यक्त केला जात आहे. यानंतर आता वनाधिकाऱ्यांनी सर्पमित्रांचा आधार घेतला आहे. मेरठ जिल्ह्यातील गेसुपूर गावातून बोलावलेल्या कमलनाथ जोगी यांच्या नेतृत्वाखाली गारुडी गल्ली बोळातून पुंगी वाजत फिरत आहेत, मात्र अजून सापाला पकडण्यात त्यांना यश आलेले नाही.